Life in Manly

Die ersti Nacht bi de Gastfamilie isch dure. Shus vo de Gastfamilie isch vollgstellt mit unnötigen ChrimsChrams... Niemals chönnt ich mit so vil Züg i de Hütte lebe. Darum hani mier jetzt schomal vorgno dass wenni heichume dueni usmiste!! :D

Dfamilie Konstellation isch seeehr speziell Sie hend 7 Kind und 14 Grosskind. De einti Sohn wohnt weder diheime well er sich grad la scheide la hed... Kei Ahnig wie alt de isch aber hed amel scho es Kind und graui Haare.

Die erst Nacht isch seeehr kalt gsi die hend da dTüre eifach offe gla über d'Nacht. Hüt am Morge am 11 hed mich denn mini Gastmueter gweckt und scho isch serste Grosskind im Zimmer gstande... :O

Ich glaube das Kind isch ned so ganz hundert :S es springt di ganz Zit ume und luegt hinder de Möbel ob öppis isch ... so doof

D'Gasteltere sind mitem Gastvater sine Eltere go Zmittag esse und ich bin denn vom Röbi abgholt worde und hend denn bi ihm dihei Zmittag gmacht. Endli mal guets Esse! han nemmli zum Znacht KFC becho.. hoffe dass das ned jede Tag so wird si schuscht chumi mit 150 Kilo hei.

De Röbi hed mer denn no schnell "dStadt" zeigt. Manly isch no schön, ned so gross aber herzig.

Ich denke immer, ich bin nur 3 Mönet da i dere Familie und denn chani mache wasi will.

Freu mich wenn d'Schuel endli afangt morn!!!

Unne gsender no mis Zimmer und sWohnzimmer womer eigentlich fast ned chan abhocke well sovil Züg umelit...

Anyway nur 3 Mönet denn bini frei :D

xoxo

Laura