School, Beach and Party...

So die ersti Wuche in Manly isch ume. D'Schuel hed am Mentig grad mal miteme Istufigstest agfange wo sauschwer gsi isch... Am Namitag hemmer denn nur Infos becho und en chlini Tour dur Manly dass mer so grob wüssed was wo isch.

Am Zischtig simmer denn i eusi Klasse iteilt worde. Ich bin inere Klass wo glaub 12 lüt sind, devo sind 2 vo Brasilie 1 vo Tschechie und de Rest vo de Schwitz natürli ^^

Ich han am Mentig i de Schuel grad gseit dass mer mini Familie gr ned passt und han denn am Dunstig en anderi Familie chönne go aluege wo in North Curl Curl wohnt. I dere Familie gits nur en Frau und ihre Hund. Sie isch ca. 70gi aber sehr herzig. Am Fritig Namitag bini denn zu ihre züglet und han minere alte Gastfamilie gseit ich zieh zu mim Cousin id Wohnig (zum Röbi).

I dere Family hani mis eigete Bad und es isch super suber!! Chunt immer es Putzinstitut go dWohnig putz e :D

Betreffend em Usgang chani bis jetzt nonig vil sege ussert dass de Ivy Club in Sydney de hammer isch und in Manly simmer amig i sonen Biergarte gange womer aber au anders chan trinke :P und au inen Club wo Ivanhoe heisst. Mer hend jetzt abgmacht dass mer am Fritig amig uf Sydney also id Stadt in Usgang gön und am Samstig in Manly blibed.

Gester bin ich mit de Kim vo Curl Curl bis ad Shelly Beach gloffe (2h laufe) . Shelly Beach isch en bekannti Beach in Manly zum Schorchle und BBQ mache. Hend also eusi BBQ Equipments mitgno (womer nochli müend verbessere) und dete grilliert. (Siehe Bild unten)

Hüt bin ich mit de Kim (Bild unne) eifach ad Beach glege und hend chli gsünnelet. Sind mega müed well es isch halt alles chli vil neui Stadt, neui Lüt, anders Wetter usw.

Sie isch super, hends mega mitenand :) Kim wohnt au da in Curl Curl und isch mit mier i de Klass.

Da sind no paar Bilder vo mim neue Zimmer, Shelly Beach, Curl Curl Beach, denn de Weg womer gmacht hend vo Curl Curl ad Shelly Beach über die schöne Weg am Meer.

Bis Bald!!

xoxo

Laura