The City

Soo scho weder Fritig! :O Die erst Wuche isch so langsam verbi gange und jetzt flüüüügt die Zit eifach weder soo schnell verbi.

Am Zischtig hani dJana atroffe i de City zum go Zmittag esse, chli shoppe und Sightseeing mache. Sie wohnt in Bondi Beach das isch ca. 1h vo mier entfernt (inkl. Bus und Fährefahrt).

Ich han mich chli id Stadt verliebt, es isch ganz anderst als z.B. Züri alles isch so easy going und hed ned so vil gstressti lüt unterwegs... hihi

D'Stadt isch au sehr suber und mer gfallt die Stadt eifach mega es isch halt ganz anderst als Manly wo ich wohne. In Manly isch eher es Strandlebe und finds super dass mer mit de Fähre id City chan, isch en unglaublichi Fahrt id Stadt (Bild unne)!!! Bin aber au froh dass ich ned i de City wohne well in Manly isch me das Feriefeeling da mit dere super Ussicht vom Schuelzimmer us *.*

Han im wunderschöne Sunneuntergang chönne heifahre vom Tag mit de Jana am Zischtig bi genialem Wetter. Han richtig chönne aschalte und alli Sorge vergesse bi dere Fahrt. *.*

Am Mittwuch simmer mit de Klass go Pizza esse damit mer eus chli kennelerned und nacher simmer ist Steyne (das Pub mitem Biergarte) no eis zwei drü go trinke :P btw, Ich han amig am Mentig und am Mittwuch ganzi Täg Schuel und Zischtig, Donstig und Fritig nur am morge. :D

Am Dunstig also gester simmer weder is Ivy :D So super gsi, DJana und ihre Kolleg vo Zug hemmer au no det atroffe. Isch würkli en super Club.

Hüt (Fritig) hemmer ja nur am morge Schuel gha, leider isches ned so schön Wetter also es windet immer mega fest das machts leider weder kalt...:(

D'Kim und ich sind trotzdem chli an Strand go umehöckle und d'Ussicht gnüsse *.* Ich liebes de Surfer zueluege es gseht so eifach us aber denke ned dass es so eifach isch :'D gsehs denn nechst Wuche im Surfcamp :P hihihi

xoxo

Laura

P.S. Da hani no Fotos vom Tag mit de Jana i de City (Sydney) denn mini Ussicht vo de Schuel und Fotos vom Fritig vom Meer und Strand (Noth Curl Curl). Denn no es Foto voren is Ivy ga :D