"Why do you go away? So that you can come back. So that you can see the place you came from wit

Oh mein Gott scho di 4. Wuche da in Australie :OOO

Langsam wird s'Wetter au besser da die letscht Wuche heds praktisch nur gschiffet..-.-

Freu mich soo wenn de Summer chunt.

I de letschte Täg hani ned meega vil gmacht. Letscht Weekend bini am Fritig abig mitem Röbi uns sinere Fründin im iMax Kino gsi go Mount Everest luege scih sgröste iMax vo de Wält :O hed aber leider nur salzigi Popcorn und keini mit Zucker... :( S'iMax isch in Darling Harbour das isch in Sydney (hed no es Foto unne) Am Samstig bini denn mit de Jana in Bondi Junction gsi im Westfield Ikaufshus und am Abig in Usgang i de City (Sydney).

Bondi isch au no en schöne Ort findi vorallem de Strand hed mer super gfalle aber ich denke ich bin da scho guet ufghobe in Manly well mer da halt vil me Bademöglichkeite hend sowit ich das chan beurteile hihihi

Am Mentig isch ja eigentlich en Bluetmoond gsi de hed mer aber in Australie leider ned gseh.

Hend trotzdem en Beachparty gmacht hahah also die Brasilianer vo eusere Schuel...

Am Mittwuch bini extra früeh ufgstande no schnell chli am Meer umegloffe und denn öppis go zmorge esse is Restaurant neb minere Schuel. Das isch sooo fein gsi *.* Wirdi glaub jetzt öfters mache hihi

Ich frage mich oft wies mine liebe diheime gat und vermisse alli sehr fest aber s'Heiweh hed mich nonig packt. Ich han sowiso nonig so richtig realisiert dass ich no 5 Mönet da si wird, devo 3 Mönet nur am Reise bin.. :D

D'Schuel wird immer strenger... und dWuche vergönd wie im Flug.

Vorallem Mentig und Mittwuch sind zwei schlimmi Täg well mer denn ja de ganzi Tag Schuel hend. :(

Das Weekend wo jetzt chunt isch es verlängerets well am Mentig de 5. Oktober isch da en Firtig, das heisst soviel wie 1 lange Tag weniger.

Mer hend eus für am Sunntig es Auto gmietet damit mer mal anen anderi Beach chli witer weg fahre chönd :D freu mich jetzt scho risig druf und nimmt mich ja wunder wie de andere ihri Fahrskills sind uf de andere Strassesite :O

Ich denke nach dem Weekend hani denn weder me zbrichte :PP

See you soon

xoxo

Laura <3