"Travel far enough to meet yourself"

Wie ich im letschte Itrag ja verellt han isch s'letschte Weekend es verlängerets gsi. Am Mentig hemmer kei Schuel gha.

Mer hend die Glegeheit grad gnutzt und sind am Sunntig uf Palm Beach gange miteme Mietauto.

Da Kim und de Fabio scho 21 sind hed das klappet. DIe erste 5 min uf de linke Site fahre sind für die beide glaub seeehr speziell gsi und anstatt de Blinker hemmer immer de Schibewüscher igstellt well das ja au alles uf de andere site isch hihihihi...

Am Samstig sind Kim und ich am Morge is Fitness und denn ad Curl Curl Beach. Isch wunderschön det han weder paar Fotos unne vo de Curl Curl Beach.

Am Sunntig simmer in Palm Beach nur am Bade gsi isch ned en meeeega spezielle Strand aber d'Umgebig mitem Lüchturm ufem Berg machts irgendwie speziell. S'meer det isch sooo klar gsi, dass mer wenn mer dringstnade isch sini eigene Bei super klar gseh hed.

D'Welle am Sunntig sind ned so gross gsi darum isches perfekt zum bade gsi. In Palm Beach heds sehrwarschindli nur ca. 5 Restaurant und 3 devo hemmer scho testet :'D hahaha han de geilsti Smoothie ever gha det!!

Well mer am Sunntig denn z'ful gsi sind zum uf de Berg vom Lüchturm ufelaufe hemmer beschlosse, dass mer eifach am Mentig nomal chömed well Palm Beach isch nur 30 min vo Manly entfernt.

Am Mentig simmer denn weder früeh ufgstande damit mer ned i Mittagssunne chömed bim ufelaufe.

Womer in Palm Beach acho sind und eus uf de Weg gmacht hend heds det zwei verschideni Weg ge zum uf de Berg ufe cho. De Eint isch en normale Betonweg gsi (also ned so spektakulär) und de zweiti Weg isch en Smuggler Track gsi wo sehr abentürlich gwirkt hed. Voller Euphorie hemmer entschide de Smuggler Track zne well de 5 min schneller isch.

Chum simmer 10min gloffe gsemmer en scheiss Schlange nebem Weg. Grad weder abe simmer well sones Fiich hani ned nomal welle gseh. Denn hemmer halt de normal Weg gno.

Nachdem mer det bim Lüchtturm gsi sind simmer nomal ad Beach chli go ligge und sünnele.

Leider simmer z'spat hei well mer voll in Weekend Stau cho sind anstatt 30min hemmer 2.5 Stund gha jäno...

Am Zischtig hemmer denn weder Schuel gha. Am Dunstig hed en Brasilianerin vo de Schuel Geburi gha und Kim und mich iglade mit ihne mit de Limo umezfahre und nacher is Ivy zga.

Es isch soooo geil gsi mit de Limo *.* leider hani jetzt aber kei Stimm me welli sit am Mittwuch am umekränkele bin und jetzt bringi fast kei Ton use-.-

Da heds no Fotos vo mim Weekend!

See you soon

xoxo

Laura