Wherever you go, go with all your heart. <3

Sooo endlich sind alli Fotos vom Surfcamp cho:

Natürlich firt mer da in Australie au Halloween, ned so extrem wie i de USA aber es isch de Aussies scho wichtig...^^

Mer hend eus also au mal druf igla und eus verchleidet als Zombie Schuelmeidli (Kim und ich). Mit de Schuel simmer denn a sonen Halloween Party gange i de City. De Abig isch mega lustig gsi aber die Linse hend mer eifach de Rest ge es hed so wehtah und ich han mich meh betrunke gfühlt vo de Linse als vom Alkohol ^^ Unne heds no Fotos vom Halloween abig.

Und schuscht isch eigentlich vor Halloween nüt me spannends passiert.

So letscht Wuche hemmer ganz vil Üebigstests gmacht isch also nüt weltbewegends passiert.

Am Fritig simmer aber mit de Schuel uf Sydney id City zum go luege womer eusi Exam hend. Am Mittag simmer denn alli zeme go Zmittag esse in China Town ines typisches Chinese Resti... S'esse isch zum überge gsi... has würkli ned gern gha... Jäno

Nacher sind Kim, Juliana (Brasilianerin) und ich nochli id Stadt go shöppele... womer imene Lade gsi sind isch plötzli dunkel worde dusse und es hed mega agfange regne...

Bin aber ned use go luege was würkli losgsi isch well in letschter Zit isch Rege ned so selte da...-.-

Woni denn dihei gsi bin hani Fotos gseh vo Sydney und dene Tsunami Wolke. Aber es isch wükli keis schlimms Unwetter gsi find ich also no worries i de Schwitz ;) es isch nemmli au im 20min sehrwarschindli hends paar Schribblokadene i de Redaktion ^^

Nachdem mer denn mit de Fähre in Manly acho sind hemmer entschide dass mer bi de Juliana issed und nacher no zu paar Kollege gönd mitem Auto. Hend Pizza bstellt und zum Dessert Brigadeiro und Beijinhos gmacht das sind beides brasilianischi Dessert meeeega fein *.*

Womer denn mitem Auto z'füfte (Juliana, Thais, Kim Paulo und ich) zu de andere hend welle Fahre Hed Ju und de Paulo plötzlich agfange schreie und s'Auto grad am Strasserand anegfahre und beid sind usegsprunge. Thais, Kim und ich hend zerst gmeint es isch en Unfall oder öppis passiert bis mer die riiiiisigi Spinne gseh hend im Auto :OOOOO

Wie ihr ja alli wüssed hass ich Spinne über alles!!! han nümme chönne i das Auto inesitze bis mer die Spinne dusse gha hend. Mer hend insgesamt 1.5h brucht bis mer die dusse gha hend well mer sie immer weder us de Auge verlore hend.

So jetzt zu de guete News.

Ich han de ganz Dezember buecht. Ich gange mitem Fabio und em Tim und emene Kolleg vom Tim zerst uf Melbourne 2 Täg - 2 Täg Great Ocean Road - 2 Täg Kangaroo Island - 4 Täg Adelaide - 1 Tag Wine Tour - 6 Täg Outback (Cooper Pedy, Alice Springs...)

Und a Silvester simmer denn weder in Sydney mit de Kim und ihrne Kollege wo sie vo de Schwitz chömed go bsueche. Leider chan Kim ned is Outback mitcho weg de Schlange...:( sie hed ebe so schiss und sie chan ned im Outback schlafe wenns det so vil vo dene Ficher git. Aber ich ha sie ja nacher no 2 Mönet :DDD

xoxo Laura