"We live in a wonderful world that is full of beauty, charm and adventure. There is no end to t

Mittlerwile bini scho in Neuseeland acho und mini Australie Reis isch verbi.

Ich han sehr vil wunderschöni Ort gseh und vil cooli Sache erlebt.

Ich due jetzt jede Ort ufliste woni gsi bin in Australie.

Über Neuseeland brichti denn imne andere Itrag. Maybe schribi de hüt abig... :))

Cairns (3. - 7. Januar 2016)

Womer in Cairns acho sind simmer alli no chli am umekränkele gsi darum hemmer denkt machemer mal en Pausetag.

Am nechste Tag wie gseit simmer zu de Millaa Millaa Falls und Zillie Falls gfahre mit eusem Auto womer bis am 29. Januar gmietet hend. Isch en wunderschöne Wasserfall gsi de Millaa Millaa Fall. Simmer chli go bädele und hends eifach chli gnosse. Nach ca. 3h simmer witer zu de Zillie Falls womer aber nümme sind go bade hend ja no müsse heifahre.

Am nächste Tag (Mittwuch, 6. Januar) hemmer en Tour buecht zum is Great Barrier Reef ga. Miteme Katamaran simmer 2h usegfahre hend det en Schnorcheltour gmacht und wenn mer hed welle hed mer au chönne go Tauche. Hani aber ned gmacht well ich ja immerno verkältet gsi bin.

Leider isch s'Great Barrier Reef nümme so de hit...:( es hed fast kei Fisch me und sRiff isch au nümme das wos mal gsi isch (verglich vo Fotos) S'Riff isch so ganz wiis worde well d'Wassertemperatur ahstigt.

Am Dunstig simmer denn witergfahre richtig Townsville.

Zum Glück simmer usegfahre womer a de Mission Beach verbi gfahre sind. De Strand isch fantastisch gsi null Lüt am Meer nur mier 4 und s'Meer sooo schön klar.

Townsville/ Magnetic Island (7.- 8. Januar 2016)

Mer hend denkt dass Townsville ned so speziell isch darum hemmer grad d'Fähre gno uf Magnetic Island. Uf Magnetic Island simmer denn i euses Backpacker gange isch bis jetzt s'schlimste gsi womer gsi sind (X-Base Backpacker). Mer hend imene halbe Container gschlafe...

Magnetic Island isch ned sooo speziell gsi zum Glück hemmer nur 1 Nacht buechgt.

Es isch sochli en Waldinsle aber alles chli verdörrt überall und ja gi schönners zum gseh hemmer denkt.

Airlie Beach/ Whitsundays (8.-11. Januar)

Airlie Beach isch de Usgangspunkt zu de wunderschöne Whitsunday Islands.

S'Städtli dete hed mer sehr gfalle, es isch klein aber fein. Überall chlini Restaurants und Lädeli. Euses Backpacker isch grad direkt vorem Meer gsi (leider hemmer kein Meerblick gha sondern es Zimmer ohni Fenster, aber ganz ok gsi.)

Am erste Tag da bin ich früeh ufgstande und han mer weder mal en feine Cappuchino gönnt vomne Märt wo am Meer entlang ufbaut gsi isch.

Am 2. Tag simmer zu de Whitehaven Beach gange mit zwüschestopp uf de Hamilton Island sonen Golferinsle wo jede Hotelgast sin Cart hed womer au dörf uf de Strasse fahre.

Whitehaven Beach isch wuuunderschön gsi ganz wisse Sand und glasklars Meer wie mer da uf de Fotis gseht.

Am 3. Tag simmer am Morge go Skydive, Kim, Audrey und ich es isch soooooo es guets Erlebnis gsi woni jedem nur chan witerempfehle. (siehe Fotos unten)

Hervey Bay/ Fraser Island (11.-16. Januar 2016)

Nach Airlie Beach simmer nach Hervey Bay gfahre das isch eusi längsti Autofahrt gsi vo 10 Stunde.

Hend au echli müsse i de Nacht fahre was alles no astrengender gmacht hed...

in Hervey Bay simmer serste mal ines Apartment bzw. sones chlises Bungalow.

Hend zwei Zimmer gha, 1 Bad und en Kuchi mit SWohntzimmer. Am 3. Tag simmer denn mitere Tour uf Fraser Island gange. Das isch en Insle alles us Sand wo aber au Regewald und gras druffe wachst. Es isch die grösti Sandinsle uf de Welt so wie ich das mitbecho han. Zerst mit de Fähre und denn miteme Grosse Bus simmer unterwegs gsi richtigi Strasse heds det keini gha alles us Sand gsi. d'Autobahn isch sogar ufem Strand am Meer entland gange. Uf de Insle simmer de Lake McKenzie, Maheno Shipwreck, Eli Creek und en Regewald go aluege.

Noosa (15.-17. Januar 2016)

In Noosa isches leider gaar ned schön Wetter gsi hend 2 Nächt ufeme Camping übernachtet womer au hend chönne choche, mer sind i so 2 Hüsli gsi.

Was ich aber vo Noosa super schön gfunde han isch de Strand gsi mit de herzige Wegli am Meer entlang. Am 17. isches denn witergange richtig Brisbane.

Brisbane (17.-19. Januar 2016)

Brisbane isch eini vo mine Lieblingsstädt in Australie. Isch echli wie NY. Sind wedermal bizli go shöppele und eifach mal chli i de Stadt umegloffe. Hed endlich weder mal en Starbucks gha dete hihi hani mer natürlich grad gönnt.

Ja uf de Bilder gsender denn wies det usgseh hed han ned so vil zum verzelle.

Surfers Paradise (19.-23. Januar 2016)

Nur wenigi Killometer vo Brisbane entfernt liet Surfers Paradise. De Name isch so ge nimmi mal a wells da so perfekt isch zum Surfe...

Hochhüser am Strand und d'Mischig vo sehr Moderne Hüser und em Beach Life macht so das gewisse Etwas us a dem Ort. Hed mer sehr gfalle det sind nach langer Zit weder mal in Usgang. Hend eus a 1 Tag no gönnt dass mer go Zechenägeli mache sind.

Am 22. hani denn no zuefälligerwis min Cousin de Robeto atroffe am Strand obwohl mer ned abgmacht hend. Er hed glaub au en gueti Zit gha da in Australie.

Byron Bay und Nimbin (23.-27. Januar 2016)

Byron Bay isch ja bekannt als Hippiestädtli vo Australie has mer aber gaaanz anderst5 vorgstellt also vorallem grösser.

s'Städtli isch chli und d'Hüser gröste Teils älter. De Strand und de Lüchtturm sind defür wuunderschön.

Wenn mer bim Lüchtturm isch ischmer bim meist östliche Punkt vo Australie und d'Usicht isch de hammer.

Am 27. simmer uf Nimbin gfahre mit eusem Auto und das isch no es grösser Hippiedorf als Byron Bay all am rauche und sich irgendwelchi Mitteli hinderehaue. Uf jede Fall isches en Bsuech wert gsi zums mal gseh.