"The use of traveling is to regulate imagination with reality, and instead of thinking of how t

Am 29. Januar isches losgange mit em neue Abentür Neuseeland.

Am Morge hemmer no euses Auto abge und de Fabio verabschidet. Denn simmer mitem Flugzüg vo Sydney uf Auckland gfloge. In Auckland acho simmer i euses Motel womer reserviert hend für 1 Nacht.

Am nechste Tag hemmer eigentlich welle euse Camper vo Jucy go abhole hend denn aber es Mail becho dass de Camper ausverkauft isch. Denn hemmer kurzfristig de Camper vo Wicked Campers müsse bueche.

d’Freud für de Camper isch schnell verfloge gsi. Sehr unbequems Zelt und wenig Platz i dem Auto.

Jäno mer münd eus demit abfinde. Nachdem mer nomal en Nacht im Camper in Auckland gis sind und en wunderschöne Sunneuntergang gseh hend am erste Campingtag hemmer es uf de Weg gmacht nach Rotura. Det simmer anen See gfahre zum übernachte dass mer am sechste Tag die „Schwefelfelder“ (Te Puia) chönd go aluege.

Am nechste Tag simmer go Hobbiton aluege das isch sFilmset für Hobbit und Herr der Ringe gsi. Alles herzigi chlini Hüsli gha inere wunderschöne Landschaft. (Fotos unne).

Det hemmer de besti Muffin gesse woni je gha han Beereli und Schoggi mussi denn mal bache wenni diheime bin :D

Am 3. Januar hemmer weder zrug uf Auckland müsse fahre well mer as Xavier Rudd Konzert gange sind. Isch en Australische Sänger und sKonzert isch super schön gsi. Nachher heds eus no in Usgang zoge :P

Mega lustige Abig gsi hend sogar no Schwizer atroffe.

Denn isch eusi Reis witergange richtig Taupo wo au de Lake Taupo isch das isch de grösti See in Neuseeland.

Weder hemmer wunderschöni Landschafte und Ussichte z’Gsicht becho.

Hend det in Taupo 1 Nacht verbracht ufeme Gratiscamping mit Plumpsklo.

Am nechste Tag simmer in Tongariro National Park gfahre womer eigentlich im Winter gat go Ski fahre. Im Summer isch det es Wandermekka. Hand det 2 Nächt verbracht imne „Chalet“. Audrey und ich sind nach de 1. Nacht go wandere und das ganzi 8 Stunde. Dwanderig isch superschön gsi aber au streng 20km simmer ufe und abe gloffe. Z’Oberst isch mer bimne Vulkan gsi mit sine Krater und Seee.

D’Natur in Neuseeland hed mich im Grosse und Ganze meh überwältiget als die in Australie.

Witer isches gange richtig Wellington zum uf dFähre uf Südinsel ga. 3h Autofahrt isches no gsi bis uf Wellington und zu dem Camping womer nochli hend chönne usrueh. Eusi Fähre isch am Morgen am 3.30 abfahre vo Wellington nach Picton.

Hand hauptsächlich gschlafe uf de Fähre. In Picton acho simmer fein go Zmörgele ines Café und denn direkt uf de Camping womer witerpfused hend.

Da uf dem Camping simmer 2 Nächt gsi. Hüt hemmer es Winetasting mit aschlüssendem Lunch dörffe gnüsse uf de Herzog Wifarm, isch meega gsi det.

Han mich grad chli heimelig gfühlt hihihi.

Denn hemmer eigentlich welle inen Camping i de nöchi vo de Wifarm ga es hed eus aber weder zrug zum Camping vo gester zoge :P

Morn gömmer denn weder mal en Strand go aluege.

will keep you up to date:)

xoxo

Laura